جولة حول العالم (رحلة إلى روما)

روما عاصمة الدولة الآيطالية والبلد دى فيها حضارة عظيمة شبيها بالحضارة الفرعونية وكانت فى وقت من الآوقات بتسيطر على العالم كله وكانت مصدر للعلوم والفنون وفى رحلتنا هنشوف  مسرح الترفيه واللى هو مدرج الكولوسيوم

 الكولوسيوم اسمه الاصلى  الفلافى و هو عبارة عن مدرج روماني كبير في نص مدينه روما وساحته كانت بتستخدم في قتال المصارعين (الجلادياتورز) والمسابقات الجمهوريه. ابتدا يتبنى بين سنة 70 وسنة 72 بعد الميلاد ايام حكم الامبراطور Vespasian وخلصوه كله بشكل اساسى سنة 80 ايام حكم الامبراطور تيتوس، بس اتعملت فيه شوية تغييرات اضافيه ايام عهد الامبراطور دوميتيان.

من ساعة ما ابتدا البنا لحد وقتنا ده المبنى حصلتله تطويرات كتيره من حيث الاستعمال  و بيعتبر المبنى أشهر مثال للمسارح اللى بالشكل ده واللى بتتميز بانها مدوره كلها أو بيضاويه بالظبط. و فضل المبنى يستخدم لحوالى 500 سنه واتسجلت أخر ألعاب اتعملت فيه في القرن الساتت، بعد التاريخ المعروف اللى بيعتقد ان روما سقطت فيه وهو سنة 476.